Авторизуйтесь Чтобы скачать свежий номер №24(2718) от 29.03.2024 Смотреть архивы


USD:
3.2498
EUR:
3.5019
RUB:
3.5223
Золото:
229.1
Серебро:
2.56
Платина:
93.62
Палладий:
101.66
Назад
Личное
08.03.2020 4 мин на чтение мин
Распечатать с изображениями Распечатать без изображений

Зямныя зоркі, з Міжнародным жаночым днём!

Знаўцы сцвярджаюць: калі б не было на зямлі жанчыны, то не было б ні фарбаў, ні гукаў, ні слоў. А гэта значыць, што не было б жывапісу, музыкі, паэзіі.

Жанчына – маці, жонка, сястра, дачка, сяброўка – суправаджае мужчыну на працягу ўсяго жыцця. Пад яе цудадзейным святлом ачышчаюцца мужчынскія душы і сэрцы. А калі мужчына горача, па-сапраўднаму кахае, то нават кароткае інтымнае імгненне прыносіць яму радасць і шчасце, напаўняе дабрынёй і высакароднасцю яго памкненні і ўчынкі.

З Міжнародным жаночым днём, дарагія жанчыны, нашы беларускія красуні –матулі і бабулі, сёстры і жонкі,дачушкі і ўнучкі, сяброўкі і паплечніцы!

Сардэчна віншую ўсіх, хто выпісвае і чытае вядомае выданне нашай краіны – «Эканамічную газету», для каго яна стала дарадцам і памочнікам у штодзённай працы!

Няхай поўняцца вашы сэрцы радасцю вясновага абуджэння прыроды, шчасцем кахання і мацярынства, стваральнай энергіяй дзеля сямейнага дабрабыту і росквіту роднай Беларусі!

Высокай арбіты вашым марам і памкненням!Натхнення і плёну ў працы, прыемных клопатаў і неспадзяваных удач, аптымізму і светлага настрою на зямных сцяжынах!

З нагоды свята 8 Сакавіка прапаную вашай ўвазе вершы на вечную тэму, напісаныя мною ў розныя гады.

Іван Карэнда,

член Саюза беларускіх пісьменнікаў,

член Саюза пісьменнікаў Расіі

 

 

Міс Вясна

Партрэт незнаёмкі

 

Між стракатай квецені,

Па праспекце шумным

Мне насустрач, весела

Крочыць прыгажуня.

 

Басаножкі белыя,

Каблукі  – на пядзю.

Маладая, смелая

Радасць у паглядзе.

 

Звонкаю рапсодыяй

Цокаюць абцасы.

Слухайце мелодыю –

Не марнуйце часу!

 

Цок-цок-цок… Гарэзліва

І цнатліва-важна…

Ножкі загарэлыя

Як тут не заўважыш!          

 

Як пярынка, лёгкая.

Хуткая, што вецер.

Некаму алёкае

У мабільным свеце.

 

На плячы аголеным

Гойдаецца сумка.

Цела разняволена,

І гарцуюць думкі.

 

Кветачка вясновая –

Модніца-паненка.

Мабыць, з крамы, новая,

Зыркая сукенка.

 

А ніжэй сукенкі,

Па апошняй модзе,

Круглыя каленкі –

Лепшыя ў прыродзе!

 

Вочы васільковыя –

Як валошкі ў полі.

Доўгія, шаўковыя

Валасы – на долю.

 

Завіткі над лобікам  –

Там схаваны чары.

Нос  – задраным ромбікам

На ружовым твары.

 

У бародцы ямачка.

Завушніцы-кольцы –

Падарунак мамачкі? –

Золатам на сонцы.

 

Губы – вішні спелыя,

Вось-вось пырснуць сокам,

Ды яшчэ нясмелыя –

Час той недалёка…

 

Грудзі, нібы купінкі

На лужку прырэчным.

А для шыі куплены

Пацеркі-чарэшні.

 

Хітраю трапецыяй

Між грудзей акенца.

Там жыве, трапечацца

Маладое сэрца.

 

Тоненькімі дужкамі

Броўкі над вачыма.

Вейкі ветрык гушкае –

Адпачні, дзяўчына.

 

Ды – відаць – спяшаецца,

І не мае часу:

Пэўна, вырашаецца

Сёння яе шчасце.

 

Хлопцы заварожаны,

Не адводзяць вочы.

Бачу: устрывожаны,

Уздыхаюць моўчкі.

 

Уздыхайце, грэшнікі, –

Аніякіх шанцаў:

На спатканне першае

Крочыць Міс-мінчанка.

 

Так што, не хвалюйцеся:

Іншага кахае.

На суседняй вуліцы

Ён яе чакае…

 

…Цокаюць і цокаюць

Каблучкі-абцасы.

І губамі цмокаюць

Хлопцы ўследкі шчасцю.

 

Адгукніся, каханая…

Дзе зімуеш, каханая?

Можа, холадна, любая,

Твайму сэрцу, скаванаму

Маразамі і гурбамі?

 

Як жывецца-вяснуецца,

Мая родная, мілая?

Па якіх сцежках-вуліцах

Ходзіш ты? Ці шчаслівая?

 

З кім, каханая, летуеш

Пад высокімі зорамі?

Хто, якімі букетамі

Цябе ў святы адорвае?

 

Што ў дні восені слотныя

У душы тваёй дзеецца?

Ці жывеш бесклапотна ты

І нічым не абдзелена?

 

Ці з грымотамі-бедамі,

Як і я, сутыкнулася?..

...Анічога не ведаю -

Хоць бы раз адгукнулася!..

Распечатать с изображениями Распечатать без изображений
Разместить рекламу на neg.by